بیدر۔ 25/ جولائی (محمدیوسف رحیم بیدری) حکومت نے افریقی کیٹ فش کو پالنے پر پابندی لگا دی ہے، جبکہ ضلع کے کچھ لوگوں نے شکایت کی ہے کہ کیٹ فش کی افزائش لوگ کر رہے ہیں، اور ایسے لوگوں کے خلاف انتقامی کارروائی کی جائے گی، یہ انتباہ ڈپٹی کمشنر گووندریڈی نے دِیا۔ وہ آج پیر کو ڈپٹی کمشنر آفس ہال میں کرناٹک ایریگیشن کارپوریشن فشریز ڈپارٹمنٹ، ریونیو ڈپارٹمنٹ اور پولیس حکام کے ساتھ ایک میٹنگ کی صدارت کرتے ہوئے خطاب کررہے تھے۔انھوں نے بتایاکہ شکایات موصول ہوئی ہیں کہ بیدر تعلقہ کے کارنجا ریزروائر کے مرکھل اور رنجو ل کھینی گاؤں میں دس ٹیامب غیر قانونی طور پر بناکر افریقی کیٹ فش کی افزائش کی جا رہی ہے۔ محکمہ ماہی پروری کے ڈپٹی ڈائریکٹر کو فوری طور پر اس جگہ کا دورہ کرنے اور رپورٹ کرنے کی ہدایت دی گئی ہے۔ حکومت کی طرف سے ممنوعہ افریقی کیٹ فش فارمنگ کی شکایت کے تناظر میں کرناٹک ایریگیشن کارپوریشن، فشریز ڈپارٹمنٹ، ریونیو ڈپارٹمنٹ، پنچایت ڈیولپمنٹ آفیسرز، ولیج اکاؤنٹنٹس، پولیس افسران نے اس جگہ کا دورہ کیا توپتہ چلاکہ کارنجہ آبی ذخائر کے بیک واٹر کو استعمال کرتے ہوئے سرکاری اراضی یا پرائیویٹ لیز پر ٹیامب تعمیر کیاگیاہے۔ متعلقہ اراضی کے مالک کے خلاف فوجداری مقدمہ درج کرنے سے متعلق بات سامنے آئی۔انہوں نے کہا کہ مذکورہ ٹیامبس میں موجود کیٹ فش کو پکڑ کر تلف کیا جائے گا۔ انہوں نے پولیس حکام کو ہدایت کی کہ ٹیامبس کے قریب رہنے والے کارکنوں سے رابطہ کرکے رپورٹ حاصل کرکے آگے کی کارروائی کی جائے۔ ضلع پنچایت کی چیف ایگزیکٹیو آفیسر شلپا ایم، اسسٹنٹ کمشنر محمد نعیم مومن، ایڈیشنل ڈپٹی کمشنر شیو کمار شیلونت، بیدر تحصیلدار انا راؤ پاٹل، کرناٹک ایریگیشن کارپوریشن کے ایگزیکٹیو انجینئر سوامی، چھوٹی آبپاشی محکمہ کے ایگزیکٹیو انجینئر سریش میدا، فشریز ڈپارٹمنٹ کے ڈپٹی ڈائریکٹر ملیش بڈیگیر،محکمہ پولیس کے ڈی وائی ایس پی ستیش اور تمام افسران اور دیگر افرادموجود تھے۔
