سیرت محمدیﷺ تمام انسانیت کیلئے تا قیامت مشعل راہ ماہ ربیع الاول میں درس سیرت منعقد کرنے کی چودھری حیدر علی باغبان کی اپیل
گلبرگہ(ای میل) شہر گلبرگہ کے معروف سماجی خدمتگار چودھری حیدر علی باغبان نے نہ صرف شہر بلکہ تمام ہندوستانی مسلمانوں کو سیرت النبی ﷺکے مطالعے کا مشورہ دیا ہے۔ ان کا کہنا ہے کہ سیرت النبیﷺ نہ صرف مسلمانوں کیلئے بلکہ تمام انسانیت کیلئے ایک ایسا رول ماڈل ہے۔ جس کی روشنی میں زندگی کے ہر شعبے میں رہنمائی ملتی ہے۔ ان کا کہنا ہے کہ ماہ ربیع الاول چند دنوں میں آنے والا ہے۔ اس ماہ مبارک کی مناسبت سے مسلمانوں کو چاہئے کہ سیرت النبیﷺ کے مختلف پہلوؤں کا خوب مطالعہ کیا جائے۔ ان کا کہنا ہے کہ ضروری نہیں کہ اس کیلئے گھنٹے دو گھنٹے وقف کئے جائے بلکہ جتنا بھی وقت مل سکے، اسوقت میں سیرت پڑھی جائے اور سیرت کے درس دئے جائے۔ ان کا کہنا ہے کہ آج چہار جانب اسلام مخالف طبقے دین حق کی منفی تصویر پیش کرنے میں سبقت لے جانے میں مصروف ہیں۔ نہ صرف حکومتی سطح پر بلکہ قومی و علاقائی میڈیا بھی اسلامو فوبیا سے متاثر ہے۔ جس کی وجہ سے ماب لنچنگ اور ارتداد جیسے واقعات بھی رونما ہو رہے ہیں۔ اس کے علاوہ آج دختران ملت اغیار کے اثرات میں نظر آ رہی ہے۔ مسلم بچیوں کی، امہات المومنین اور صحابیات کے اخلاق وکردار سے کم واقفیت ہی کی وجہ سے ایسے حالات پیدا ہو رہے ہیں۔ ایسے میں اگر سے اپنے اپنے گھروں میں تمام افراد خانہ کی موجودگی میں درس سیرت کا اہتمام کیا جانا چاہئے۔ چودھری حیدر علی باغبان کا کہنا ہے کہ آج ملک عزیز میں مسلمانوں کو”مکی حالات”کا سامنا کرنا پڑ رہا ہے۔ اس جیسے تمام حالات کا مقابلہ کرنے کیلئے سیرت طیبہﷺ سے بہتر عملی نمونہ کوئی اور ہو ہی نہیں سکتا۔ اس مناسبت سے تمام مسلمانوں کو چاہئے کہ ہر سطح پر درس سیرت کا اہتمام کیا جائے۔ اپنے درپیش مسائل کا حل سیرت النبیﷺ میں تلاش کریں۔ اسی مناسبت سے چودھری حیدر علی باغبان نے تمام تعلیمی اداروں اسکولوں اور کالجس میں حیات طبیہﷺ کے درس منعقد کرنے کی اپیل کی۔ تمام تعلیمی اداروں بالخصوصٓ مسلم تعلیمی اداروں کے ذمہ داران سے اپنے اداروں میں سیرت النبی ﷺ کی نشستیں منعقد کرنے کی گزارش کی۔ ان کا کہنا ہے کہ نوجوان نسل آج اسلامی تعلیمات بالخصوص سیرت سے کم ہی واقف ہے۔ ایسے میں اگر سے ہر کلاس میں دن میں دن منٹ بیس منٹ ہی سہی اس کا اہتمام کیا جائے تو نوجوان نسل کو ذہن سازی کی جا سکتی ہے۔ ان کا کہنا ہے کہ سیرت النبیﷺ پر تحریر کردہ کسی بھی مستند عالم دین یا مصنف کی کتاب کو ماہ ربیع الاول میں مکمل کر لیا جا چاہئے تاکہ بچوں کے سامنے آپ ﷺ کا بچپن، لڑکپن، بچپن میں آپ کے اخلاق و اطور، ایام جوانی کے آغاز کے واقعات، آپ کے کاروباری معاملات، اعلان نبوت،پھر اسکے بعد کے امتحانی مراحل، کفار کے درمیان آپ کی مکی زندگی، ہجرت، صلح حد بیہ، فتح مکہ، اسلام کا غلبہ اور اس کے بعد آپ کی مدنی زندگی،،آپ ﷺ کی جنگی حکمت عملیاں، آپ کے کاروبار کا فلسفہ، آپ کے سفارتی تعلقات، آپ کا طرز حکمرانی، آپ کی ازدواجی زندگی، صحابہ اکرام کی تعلیم وتربیت، دشمنان اسلام کے ساتھ آپ کا حسن اخلاق، غرض آپ ﷺ کی حیات مبارکہ کا پر پہلو نوجوان نسل کے سامنے آ سکے۔ چودھری حیدر علی باغبان نے درس سیرت کی مجالس مساجد میں پورے ماہ رکھنے کی اپیل کی خاص کر ائمہ اکرام و خطباء حضرات سے اس جانب توجہ دینے کی گزارش کی۔۔ ان کا کہنا ہے ائمہ اکرام مساجد میں ہر نماز کے بعد پانچ دس منٹ اگر سے سیرت کی محفل منعقد کی جائے تو ایک ماہ پوری ایک کتاب مکمل کی جا سکتی ہے۔ انھوں نے دکانوں،ہسپتالوں اور ہوٹلوں کے ذمہ داران سے بھی اپنی اپنی جگہوں میں درس سیرت کی محفلیں منعقد کرنے کی اپیل کی۔ انھوں نے مشورہ دیا کہ چائے خانوں میں اکثر لوگ دنیاوی باتوں میں مصروف رہتے ہیں۔ اگر ہوٹل مالکان دن کے کسی بھی وقت میں پانچ دس منٹوں کیلئے تمام تو متوجہ کرکے سیرتﷺ کی کتاب پڑھے تو تمام حاضرین پورے ادب و اہتمام کے ساتھ اسکی سماعت کریں گے۔ اسی طرح سے مسلم انتظامیہ ہسپتالوں میں بھی دن کے کسی بھی وقت میں تمام مریضوں کو متوجہ کرکے درس سیرت ﷺ کا اہتمام کیا جا سکتا ہے۔ اس کے علاوہ کارنر میٹنگس کے ذریعے میں سیرت کی جانب عوام کو متوجہ کیا جا سکتا ہے۔ چودھری حیدر علی باغبان کا کہنا ہے کہ آج کے مسلمان مساجد میں نہیں پہنچ پا رہے ہیں ایسے میں بازاروں، چوراستوں، گلیوں میں ہی ایک کارنر پر ٹھہر کر لوگوں کو متوجہ کرکے سیرت کے مختلف پہلوؤں پر روشنی ڈالی جا سکتی ہے۔ اس موقع پر انھوں نے کہا کہ اگر کوئی اسکول، کالج، ہسپتال، ہوٹل یا دیگر عوامی مقامات کے ذمہ داران کو اس سلسلے میں کسی بھی طرح کی مدد و تعاون درکار ہے تو اس کو پورا کرنے کیلئے وہ تیار ہیں۔ اگر کہیں پر مقرر کو روانہ کرنا ہے یا پھر سیرت النبیﷺ کی کتابیں فراہم کرنا ہے تو بھی اس کیلئے وہ تیار ہیں۔اس کیلئے9036334654 پر کال کیا جا سکتا ہے۔
