بیدر۔9/جولائی (محمدیوسف رحیم بیدری) قابل تجدید توانائی کے ذرائع اور کیمیائی کھاد کے مرکزی وزیر مملکت بھگونت کھوبا نے نشاندہی کی ہے کہ مناسب بارش کے بغیر بوئے جانے والی فصل سے متعلق ضلع میں گھونگھے کے کیڑے کی افزائش دیکھی گئی ہے اور حکام کو چاہیے کہ وہ کسانوں کو ان پر قابو پانے کے بارے میں آگاہ کریں۔ہلسور قصبے کے مضافات میں واقع کسان بابو راؤ چنگالیرے کے کھیت میں جمعرات کو محکمہ زراعت کے زیر اہتمام گھونگھے کیڑے کے کنٹرول سے متعلق آگاہی پروگرام سے خطاب کرتے ہوئے انہوں نے کہا کہ کسانوں کو کسی بھی وجہ سے پریشان ہونے کی ضرورت نہیں ہے۔ انہوں نے تجویز پیش کی کہ زرعی حکام کے مشورہ سے سستے داموں کیڑے کی افزائش کو روکا جائے گا۔محکمہ زراعت کے افسران کو ہدایت دی گئی کہ وہ ہر گاؤں میں جاکر کسانوں کو اس کیڑے کے کنٹرول کے بارے میں آگاہ کریں۔ بعد ازاں انہوں نے تحصیل آفس ہلسور میں مختلف محکموں کے افسران کی میٹنگ کی اور کہا کہ جن کسانوں نے بوائی کی ہے وہ جلد از جلد فصل بیمہ کی ادائیگی کریں۔ انہوں نے انشورنس کمپنی کے حکام کو ہدایت کی کہ اگر بینک انشورنس کی رقم حاصل کرنے سے انکار کرے تو اسے فوری طور پر ہمارے علم میں لایا جائے۔جل جیون مشن کے تحت دیہاتوں میں پینے کے پانی کے کام مناسب طریقے سے کئے جائیں۔ 15 اگست کے بعد ذاتی طور پر کام کا مشاہدہ کروں گا۔مرکزی وزیر کھوبا نے خبردار کیا کہ اگر متعلقہ افسران کام میں لاپرواپائے گئے تو انہیں ملازمت سے معطل کر دیا جائے گا۔مرکزی وزیر نے بسواکلیان شہر میں تعمیر ہونے والے نئے انوبھو منٹپ کی جگہ کا دورہ اور معائنہ کیا اور شرکے کنسٹرکشن کمپنی کے ڈائریکٹر سے جامع معلومات حاصل کیں۔ بسواکلیان تحصیل دفتر میں افسران سے بات چیت کے بعد محکمہ زراعت، پینے کے پانی اور صفائی ستھرائی کے محکمہ، تعلیم، صحت، وغیر کی بابت ہدایات دیں۔پولس افسران کو تعلقہ کے لوگوں کے مسائل کے حل کے لیے کام کرنا چاہیے، تمام محکمے کے افسران کو چاہیے کہ وہ اپنی ذمہ داریاں بخوبی نبھائیں۔ تمام منصوبوں کو مناسب طریقے سے لاگو کیا جانا چاہئے.اس موقع پر سنٹرل ریلوے بورڈ کسٹمر سروس سنٹر کمیٹی کے ڈائریکٹر شیوراج گندگے، بی جے پی لیڈر گروناتھ کولور، اسسٹنٹ کمشنر شری رمیش کولارے، تحصیلدار شیوانند میترے، تعلقہ پنچایت ای او مہادیو بابلگے، اے ڈی مہادیو جموں، نائب تحصیلدار سنجو کمار بائرے، اسسٹنٹ ایگریکلچر آفیسر مارتھنڈ، گرام پنچایت صدر سنجو کمار بھوسارے، مچلمب گاؤں کی صدر مالاشری رویندر میترے، لتا ہارکوڈے، سدھیر کڈادی، اشوک وکار، منیشا برادار، وجے کمار چنگالورے،، اشوک، تیلنگ، نوناتھ پاٹل، سنتوش گائیکواڑ، بالاجی برادرموجود تھے۔
