گرونانک ا سکول کے دہم کامیاب ہونہار بچوں کوتہنیت،اسکول کے صدر ڈاکٹر ایس۔ بلبیر سنگھ اور نائب صدر محترمہ ریشما کور نے طلبہ کو مبارکباد پیش کی
بیدر۔ 3/جون (محمدیوسف رحیم بیدری) آج پیر کو، ڈاکٹر ریشما کورنے اس بات پر فخر کا اظہار کیا کہ گرونانک ہا ئی اسکول کے طلباء کی شاندار کامیابی ان کی مسلسل محنت، والدین کے تعاون اور اساتذہ کی موثر تدریس اور گورننگ باڈی کی منظم رہنمائی کی وجہ سے ممکن ہوئی۔بچوں نے یہ کارنامہ ایک دن میں حاصل نہیں کیا۔ یہ ان کی مسلسل کوششوں اور والدین اور اساتذہ کے مسلسل تعاون اور انہیں دی جانے والی تعلیمات کے نتیجے میں ممکن ہوا ہے۔ اس کی وجہ یہ ہے کہ ہمارا سکول بنیاد سے ہی اعلیٰ معیار کی تعلیم دے رہا ہے جسکی وجہ سے ایسے ہونہار بچے سامنے آ رہے ہیں۔ یہ ہماری گورننگ باڈی کا ہدف ہے۔ ایسے باصلاحیت بچوں کو آگے لانے اور انہیں مزید طریقوں سے ملک کی خدمت کے لیے بھیجنے کی خواہش کا اظہار کرتے ہوئے، انہوں نے اعزازحاصل کرنے والے طلبہ سے خواہش ظاہر کی کہ وہ اپنی مستقبل کی زندگی کو روشن کرنے اور کامیابی حاصل کرنے پر توجہ دیں اور اپنے والدین اور اسکول کا نام روشن کریں۔انہوں نے طلباء اور ان کے والدین کو آگاہ کیا کہ ان کے مستقبل کی منصوبہ بندی کے دن ابھی شروع ہوئے ہیں اور وہ صحیح سمت میں سوچیں اور مزید آگے بڑھیں۔ اگلے دو سال ان کا مستقبل بنانے کے سال ہوں گے اور وہ اسے بہت احتیاط سے سنبھالیں اور انہیں آسمان کی بلندی تک بڑھنے کے لیے خوب محنت کی ضرورت ہوگی۔ طالبات ورشا اور ویشنوی نے اس موقع پر اسکول میں تعلیم اور یہاں کے ماحول سے متعلق اپنی رائے بتائی اور اپنی کامیابی کو والدین، اساتذہ اور خود کی محنت سے منسوب کیا۔ اساتذہ کی طرف سے فراہم کی جانے والی معیاری تعلیم کو اپنی بات کا منہ بولتا ثبوت قراردیا۔اس موقع پر ڈاکٹر بلبیرسنگھ اور ڈاکٹر ریشماکور نے کامیاب طلبہ کو مبارکباد پیش کی۔ اسکول کی پرنسپل مسز نلنی ڈی جی، صدرمعلمہ مسز عارف ہادی، ڈین ہنومان، امجد علی اور ہونہار بچوں کے والدین اور اساتذہ کا پوراگروپ موجود تھا۔اس بات کی اطلاع ایک پریس نوٹ کے ذریعہ مسز نلینی ڈی جی۔پرنسپل گرو نانک پبلک اسکول، بیدر نے دی ہے۔
